Yaxın 2 gün ərzində Azərbaycanın rayonlarında hava şəraitinin əsasən yağmursuz keçəcəyi gözlənilir
Bakı, 4 dekabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, Bakıda və Abşeron yarımadasında dekabrın 5-də hava şəraitinin əsasən buludlu, gecə və səhər yarımadanın bəzi yerlərində az yağış yağacağı, səhər saatlarında zəif duman olacağı və cənub-qərb küləyinin əsəcəyi gözlənilir.
Havanın temperaturu gecə 8-10, gündüz 14-16 dərəcə təşkil edəcəkdir.
Dekabrın 6-da hava şəraitinin dəyişkən buludlu, əsasən yağmursuz keçəcəyi, cənub-qərb küləyinin günün ikinci yarısında şimal-qərb küləyi ilə əvəz olunacağı ehtimal olunur.
Havanın temperaturu gecə 9-11, gündüz 15-18 dərəcə olacaqdır.
Azərbaycanın rayonlarında dekabrın 5-6-da hava şəraitinin əsasən yağmursuz keçəcəyi, gecə və səhər bəzi yerlərdə duman olacağı, cənub-qərb küləyinin əsəcəyi, bəzi yerlərdə arabir güclənəcəyi gözlənilir.
Havanın temperaturu gecə 7-12, gündüz 16-21, dağlarda gecə 3-8, gündüz 17-22 dərəcə olacaqdır.
Bölmənin digər xəbərləri
