YUNANISTAN HƏKİMLƏRİ AZƏRBAYCANDA XOŞMƏRAMLI LAYİHƏLƏR HƏYATA KEÇİRİRLƏR

01.11.2004 [22:31]
Çap et
A⁺ A^-

AZƏRTAC xəbər verir ki, Yunanıstanın ölkəmizdəki səfirliyində keçirilən mətbuat konfransında Azərbaycanda yod çatışmazlığı və vərəm xəstəlikləri ilə əlaqədar humanitar yardımla məşğul olan Yunanıstanın Patras Universitetinin həkimləri iştirak etmişlər. Tədbirdə qeyd edilmişdir ki, Yunanıstanın Dünya Həkimlər Birliyi 1994-cü ildən ölkəmizdə ilk layihələrini həyata keçirməyə başlayıblar. Layihələrin əsas məqsədi insanların sağlamlığı ilə məşğul olan dövlət təşkilatlarına, həmçinin Azərbaycanda, eləcə də Qafqaz regionunda yod çatışmazlığının, zob xəstəliklərinin aradan qaldırılmasına kömək etməkdir.

Patras Universitetinin tibb departamenti 1998-ci ildən Azərbaycanda tədqiqatlar aparmağa başlamış və ölkənin şimal-qərb, dağlıq ərazilərində vərəm və yod çatışmazlığı xəstəliklərinə qarşı mübarizədə yaxından iştirak etmişdir. Yunanıstan həkimləri tərəfindən 20 tona yaxın yodlaşdırılmış duz həmin bölgələrdə pulsuz paylanılmışdır. Ümumilikdə bu xəstəliklərin müalicəsi üçün layihənin birinci mərhələsində 600 min avro xərclənmiş və xəstəlikdən əziyyət çəkən 200 min uşaq müalicə olunmuşdur. İkinci mərhələdə bu məqsədlərə bir neçə milyon avro ayrılacaq və 290 min xəstə müalicə ediləcəkdir.

YUNANISTAN HƏKİMLƏRİ AZƏRBAYCANDA XOŞMƏRAMLI LAYİHƏLƏR HƏYATA KEÇİRİRLƏR

MÜƏLLİFLƏ ƏLAQƏ

Bölmənin digər xəbərləri