“ZİYA+” ŞİRKƏTİ YENİ TƏKLİFLƏR VƏ SİFARİŞLƏR ALIR
Şirkətin meneceri Nigar Qasımova AZƏRTAC-ın müxbirinə demişdir ki, əsas vəzifəmiz XXI əsr Azərbaycan marketinqçiliyinin yeni modellərinin qurulmasıdır. Hazırda iki fəaliyyət istiqaməti - kassa və bankomat lentləri, faks və teleks kağızları istehsalı, kiçik həcmli poliqrafiya xidmətləri ilə məşğul oluruq. Müəssisəmiz müasir avadanlıqla, ixtisaslı kadrlarla təmin olunmuşdur. Xammalı İspaniyadan alırıq. 2-ci Azərbaycan Beynəlxalq poliqrafiya və qablaşdırma, dəftərxana ləvazimatı, reklam və media sərgisində müxtəlif şirkətlərin nümayəndələri ilə danışıqlar apardıq. Mikromaliyyələşdirmə Bankı, müxtəlif hotellər, ticarət mərkəzləri, KİV-lərdən sifariş və təkliflər aldıq. Artıq qəbul olunmuş sifarişlərin yerinə yetirilməsinə başlamışıq.
Bölmənin digər xəbərləri
