"Xocalıya ədalət!" kampaniyasına dəstək olaraq videoflashmob keçirilib
Bakı, 26 fevral, AZƏRTAC
Azərbaycanın Dövlət Tərcümə Mərkəzinin təşəbbüsü ilə dünyanın bir sıra ölkələrinin tanınmış ictimai-siyasi xadimlərinin iştirakı ilə videoflashmob keçirilib.
Mərkəzdən AZƏRTAC-a verilən məlumata görə, aksiyada Milli Məclisin deputatı Rasim Musabəyov, şairə Nigar Həsənzadə, Azərbaycanın Rus İcmasının sədrinin müavini Anastasiya Lavrina, beynəlxalq məsələlər üzrə tanınmış İsrail eksperti Arye Qut, İsrail politoloqu Mixail Finkel, şair, dramaturq İmir Məmmədli, Xocalı soyqırımının şahidi - Litva jurnalisti Riçardas Lapaytis, Dövlət Tərcümə Mərkəzinin əməkdaşları və gənc fəallar iştirak ediblər. Aksiya iştirakçıları dünya ictimaiyyətinə müraciət edərək "Xocalıya ədalət!" şüarını Azərbaycan, rus, ingilis, fars, fransız, ivrit, alman, serb, Litva, çex və gürcü dillərində səsləndiriblər.
Bölmənin digər xəbərləri
