Azərbaycan Turizm İnstitutu TEMPUS proqramının qalibi olmuşdur
Bakı, 30 avqust (AZƏRTAC). Azərbaycan Turizm İnstitutunun (ATİ) layihəsi Avropa İttifaqının ali təhsil üzrə TEMPUS proqramının qalibi olmuşdur.
ATİ-dən AZƏRTAC-a bildirmişlər ki, layihənin məqsədi turizm üzrə bakalavr və magistr kurikulumlarının, həmçinin Avropa ölkələri üçün ortaq model kurikulumun hazırlanmasıdır. ATİ üç il ərzində Azərbaycanın, Gürcüstanın, keçmiş postsovet məkanından daha bir neçə ölkənin, həmçinin də Almaniyanın Yade Univesiteti ilə birlikdə bu layihəni həyata keçirəcəkdir.
Layihə çərçivəsində müxtəlif tədbirlər və tədqiqatlar nəzərdə tutulmuşdur. Dünyanın müxtəlif ölkələrinin universitetlərinin mütəxəssislərinin iştirakı ilə seminarlar təşkil ediləcək, bakalavr və magistr üzrə beynəlxalq davamlı turizm proqramı hazırlanacaqdır.
Bölmənin digər xəbərləri
