Azərbaycanın turizm şirkətləri üçün Bolqarıstana infotur təşkil edilmişdir
Bakı, 12 sentyabr (AZƏRTAC). Bolqarıstan Respublikası İqtisadiyyat, Energetika və Turizm Nazirliyi ilə Azərbaycan Respublikası Mədəniyyət və Turizm Nazirliyi arasındakı anlaşmaya uyğun olaraq, sentyabrın 10-dan etibarən turizm şirkətlərinin əməkdaşlarından ibarət 6 nəfərlik heyət infoturla bağlı Bolqarıstandadır.
Mədəniyyət və Turizm Nazirliyindən AZƏRTAC-a bildirmişlər ki, səfər çərçivəsində Sofiya, Velikoe Tarnova, Varna, Balçik, Pomorie, Plovdiv şəhərlərinə turlar təşkil olunur.
Səfərin məqsədi Azərbaycan və Bolqarıstan arasında qarşılıqlı turist mübadiləsinin genişləndirilməsindən ibarətdir.
Bölmənin digər xəbərləri
