Bakıda sağlamlıq turizmi üzrə beynəlxalq konqres keçiriləcəkdir
Bakı, 7 noyabr (AZƏRTAC). Noyabrın 8-9-da Bakıda Türkiyə-Azərbaycan sağlamlıq və termal turizmi üzrə I Beynəlxalq konqres keçiriləcəkdir.
Mədəniyyət və Turizm Nazirliyindən AZƏRTAC-a bildirmişlər ki, tədbirdə hər iki ölkənin Mədəniyyət və Turizm, Səhiyyə nazirliklərinin, sağlamlıq və termal turizm müəssisələrinin, sanatoriya və kurortlarının nümayəndələrinin iştirakı nəzərdə tutulmuşdur.
Beynəlxalq konqres iki ölkə arasında sağlamlıq turizmi üzrə qarşılıqlı təcrübə mübadiləsinə, bu turizm növünün inkişafına böyük töhfə verəcəkdir.
Konqres noyabrın 8-də “JW Marriott Absheron Baku” otelində işə başlayacaqdır.
Bölmənin digər xəbərləri
