Elmi fəaliyyətin çoxmeyarlı qiymətləndirilməsi üçün metodlar işləniləcək
Bakı, 5 fevral, AZƏRTAC
İnformasiya Texnologiyaları İnstitutunda cari ildə elmi təşkilatların, tədqiqatçıların fəaliyyətinin çoxmeyarlı qiymətləndirilməsi üçün metodların işlənilməsi nəzərdə tutulur.
İnstitutdan AZƏRTAC-a bildirilib ki, həmçinin antiplagiat sistemlərinin analizi və milli antiplagiat xidmətinin yaradılması konsepsiyası işləniləcək. Bibliometrik verilənlərin intellektual analizi əsasında elmin perspektiv istiqamətlərinin müəyyən edilməsi ilə bağlı tədqiqatlar aparılacaq. Bununla yanaşı, e-dövlət mühitində Azərbaycan dilinə dair bəzi xidmətləri həyata keçirən intellektual sistemlər yaradılacaq. Azərbaycan dili biliklərinin qiymətləndirilməsində müasir İKT-nin tətbiqi istiqamətində araşdırmalar aparılacaq.
Bölmənin digər xəbərləri
