“Neftçi” bu gün “Zenit”lə yoldaşlıq oyunu keçirəcək
Bakı, 18 noyabr, AZƏRTAC
“Neftçi” klubu bu gün yoldaşlıq oyunu keçirəcək.
AZƏRTAC xəbər verir ki, Adrian Mutunun baş məşqçisi olduğu kollektiv Rusiyanın “Zenit” komandası ilə üz-üzə gələcək.
“Neftçi Arena”da oynanılacaq matç saat 21:00-da start götürəcək. Hər iki klubun milli komandalara qoşulan oyunçuları bugünkü qarşılaşmada iştirak etməyəcəklər.
Qeyd edək ki, paytaxt təmsilçisi bu ilin iyulunda Rusiyanın Sankt-Peterburq şəhərində təşkil olunmuş “Matç TV” turnirində “Zenit”lə qarşılaşıb və rəqibinə 1:3 hesabı ilə uduzub.
Bölmənin digər xəbərləri
