Noyabrın 13-də buludlu hava şəraiti üstünlük təşkil edəcəkdir
Bakı, 12 noyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, noyabrın 13-də Bakıda və Abşeron yarımadasında buludlu hava şəraitinin üstünlük təşkil edəcəyi, gecə və səhər bəzi yerlərdə duman olacağı, cənub-şərq küləyinin əsəcəyi, günün ikinci yarısında şimal-qərb küləyi ilə əvəz olunacağı gözlənilir.
Havanın temperaturu gecə 9-11, gündüz 17-19 dərəcə təşkil edəcəkdir.
Azərbaycanın rayonlarında hava şəraitinin əsasən yağmursuz keçəcəyi, gecə və səhər bəzi yerlərdə duman və çiskin olacağı ehtimalı vardır. Şərq küləyinin əsəcəyi gözlənilir. Havanın temperaturu gecə 6-11, gündüz 17-21, dağlarda gecə 4-8, gündüz 14-17 dərəcə olacaqdır.
Bölmənin digər xəbərləri
