“Qala Altı Hotel SPA” kompleksinin tikintisinə başlanılmışdır
Şabran, 24 avqust (AZƏRTAC). Şabranda Qalaaltı sağlamlıq istirahət zonasında yeni kompleksin tikintisinə başlanılmışdır.
Rayon icra hakimiyyətindən AZƏRTAC-a bildirmişlər ki, istirahət zonası yenidən qurulur. Qalaaltı sanatoriyanın ərazisi genişləndirilmiş, müasir standartlara cavab verən “Qala Altı Hotel SPA”-nın tikintisinə başlanılmışdır. Rayonu kifayət qədər şöhrətləndirən sağlamlıq-istirahət zonasının yeni tikintisində işlər sürətlə həyata keçirilir. Hazırda ərazidə hotellərin tikintisi aparılır.
Ölkənin turizm potensialına öz töhfəsini verəcək “Qala Altı Hotel SPA” sağlamlıq-istirahət mərkəzinin tikintisi üçün 7 hektar sahə ayrılmışdır. Mərkəzin 2013-cü ildə istifadəyə verilməsi nəzərdə tutulmuşdur.
Bölmənin digər xəbərləri
