Şagird yerdəyişməsi müvəqqəti dayandırılır
Bakı, 7 may, AZƏRTAC
Şagirdlərin elektron yerdəyişməsi müvəqqəti olaraq dayandırılır.
Bu barədə AZƏRTAC-a Məktəbəqədər və Ümumi Təhsil üzrə Dövlət Agentliyindən məlumat verilib.
Bildirilib ki, mayın 17-18-də ölkə üzrə IV və VI siniflərdə təhsilalanların nailiyyətlərinin qiymətləndirilməsi məqsədilə monitorinqlər təşkil ediləcək.
Ümumi monitorinqə hazırlıq mərhələsinin şəffaf və fasiləsiz təşkili məqsədilə mayın 8-i saat 17:00-dan etibarən IV və VI siniflər üzrə şagirdlərin elektron yerdəyişməsi müvəqqəti olaraq dayandırılır.
Qeyd edək ki, monitorinq prosesi başa çatdıqdan sonra bu siniflər üzrə yerdəyişmə prosesi yenidən aktiv ediləcək.
Bölmənin digər xəbərləri
