Yevlax Pilot Aqroparkına 100 milyon manatdan çox özəl investisiya cəlb olunacaq
Bakı, 12 iyul, AZƏRTAC
Orta fermer təsərrüfatının aqrar sənaye klasterinə inteqrasiyası çərçivəsində yaradılan Yevlax Pilot Aqroparkda ümumi investisiya həcmi 27 milyon manatdan çox olan 11 sahibkarlıq subyektinə rezidentlik statusu verilib.
AZƏRTAC xəbər verir ki, artıq 6 rezident tərəfindən 132 hektar ərazidə əkin işləri aparılıb. Bunun da 102 hektarı meyvə bağları, 20 hektarı tərəvəz, 10 hektarı isə tingçilik sahəsidir. 2855 hektar ərazidə yerləşən aqroparka 100 milyon manatdan çox özəl investisiyanın cəlb olunması nəzərdə tutulur.
Aqroparkda Azərbaycan-İsrail tərəfdaşlığı çərçivəsində illik istehsal gücü 16,5 milyon ədəd damazlıq yumurta olan quşçuluq təsərrüfatı yaradılacaq. Həmçinin burada nar, badam, xurma, üzüm, zeytun, heyva, gilas bağlarının salınması, qeyri-ənənəvi bağçılığın inkişaf etdirilməsi nəzərdə tutulur. Tam fəaliyyətə başladıqdan sonra aqroparkın illik istehsal gücünün təxminən 40 milyon manat olacağı proqnozlaşdırılır.
Bölmənin digər xəbərləri
