Yevlaxda 30 hektar sahədə yeni meşələr salınmışdır
Yevlax, 22 aprel (AZƏRTAC). “Azərbaycan Respublikasında meşələrin bərpa edilməsi və artırılmasına dair” Milli Proqrama uyğun olaraq Yevlax rayonunda yeni meşə sahələri salınır.
Yevlax Rayon Meşə Mühafizəsi və Bərpası Müəssisəsindən AZƏRTAC-a bildirmişlər ki, cari ilin yaz mövsümündə 30 hektar sahədə yeni meşələr salınmış, 27 hektar sahədə bərpa işləri aparılmışdır. Kökləndirmək üçün 1 hektar sahədə müxtəlif cinslərdən qələm basdırılmış, 1,5 hektar sahədə göyrüş, sərv, ağcaqayın, qovaq və digər ağaclardan ibarət böyütmə sahəsi yaradılmış, 1,5 hektar sahədə tinglik səpilmişdir.
İlin axırınadək 90 hektar sahədə yeni meşələrin salınması nəzərdə tutulmuşdur.
Bölmənin digər xəbərləri
