Zəlzələ haqqında məlumatlar hər il yeni proqram vasitəsilə emal edilir
Bakı, 3 aprel, AZƏRTAC
2003-cü ildən etibarən AMEA nəzdində Respublika Seysmoloji Xidmət Mərkəzində ABŞ-ın “Kinemetriks” şirkətinin avadanlıq və proqramları istifadə edilir. Hər il istifadə olunan proqram təminatında dəyişiklik edilir. Həmin şirkətin mütəxəssisləri ikitərəfli əməkdaşlığa əsasən, bununla əlaqədar ildə ən azı bir dəfə təlimlər üçün Bakıya gəlirlər.
Bu barədə AZƏRTAC-a RSXM-in mətbuat xidmətinin rəhbəri Vüsalə Rafiqqızı məlumat verib.
Bildirilib ki, mərkəzin əməkdaşları həmin proqramlar vasitəsilə zəlzələ haqqında məlumatları emal edirlər. Ötən ay keçirilən treninqdə RSXM-in 15 əməkdaşı sertifikat alıb.
Daha sonra Səbail rayonunun seysmik mikrorayonlaşdırılması barədə danışan V.Rafiqqızı işlərin başlanması üçün aprel ayında yeni cihazların gətiriləcəyini vurğulayıb.
Bölmənin digər xəbərləri
