Ağac kəsən şəxs cəzalandırılıb
Bakı, 26 fevral, AZƏRTAC
Qəbələ Regional Meşə Təsərrüfatı Mərkəzinin əməkdaşlarının keçirdikləri nəzarət tədbirləri zamanı mərkəzin Xaçmaz meşəbəyliyində 3 palıd ağacının kəsildiyi məlum olub.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildiriblər ki, araşdırma zamanı ağacların Oğuz şəhər sakini Cavanşir Abışov tərəfindən kəsildiyi və təbiətə 2165 manat məbləğində ziyan dəydiyi müəyyən edilib. Faktla bağlı akt tərtib olunub.
Dəymiş ziyanın məbləği cinayət tərkibi yaratdığından toplanmış sənədlər məsələyə hüquqi qiymət verilməsi üçün Oğuz Rayon Prokurorluğuna göndərilib.
Bölmənin digər xəbərləri
