İradə İbrahimova: Hazırda Bakıda və Abşeron yarımadasında 5 dərəcəyədək şaxta müşahidə olunur
Bakı, 24 fevral, AZƏRTAC
Şaxtalı hava şəraiti ilə əlaqədar əhalini ehtiyatlı və diqqətli olmağa çağırırıq. Gecə və səhər ölkə ərazisində şaxtalı havanın davam edəcəyini, yolların buz bağlayacağını nəzərə alaraq əhaliyə maksimum dərəcədə ehtiyatlı olmağı tövsiyə edirik.
AZƏRTAC xəbər verir ki, bunu Ekologiya və Təbii Sərvətlər Nazirliyinin mətbuat katibi İradə İbrahimova deyib.
Bildirib ki, hazırda paytaxtda və Abşeron yarımadasında 5 dərəcəyədək şaxta müşahidə olunur, temperaturun mənfi 9 dərəcəyədək enəcəyi gözlənilir: “Odur ki, gecə və səhər saatlarında yolların buz bağlaması səbəbindən əhali və sürücülər hərəkət edərkən diqqətli və ehtiyatlı davransınlar. Ehtiyac olmadıqda küçəyə çıxmamaq, şəxsi nəqliyyat vasitələrindən istifadə etməmək tövsiyə olunur".
Bölmənin digər xəbərləri
