Oksigenlə zəngin hava şəraiti gözlənilir
Bakı, 25 fevral, AZƏRTAC
Fevralın 26-dan sonunadək ölkə ərazisi nisbətən yüksək təzyiq sahəsinin təsiri altında olacaq. Oksigenlə zənginləşən, əsasən yağmursuz, mülayim küləkli hava şəraiti üstünlük təşkil edəcək.
Hidrometeoroloji Proqnozlar Bürosunun direktoru Gülşad Məmmədova AZƏRTAC-a bildirib ki, havanın temperaturu ötən günlə müqayisədə yüksələcək və gündüz saatlarında paytaxtda 4-8° isti olacaq. Bu gecə havanın temperaturu 0-1° şaxta olsa da, fevralın 27-28-də gecə saatlarında mənfi temperatur gözlənilmir. Bölgələrdə də fevralın 28-i axşamadək hava mülayim, əsasən yağmursuz keçəcək, lakin bəzi yerlərdə duman olacaq.
Bölmənin digər xəbərləri
