Sumqayıtda təbiətə ziyan vuran şirkət cəzalandırılıb
Bakı, 8 yanvar, AZƏRTAC
Ekologiya və Təbii Sərvətlər Nazirliyinə Sumqayıt şəhəri, 9-cu mikrorayon, 59 və 60-cı binaların qarşısında ağac kəsilməsi ilə bağlı daxil olan şikayəti nazirliyin əməkdaşları yerində araşdırıblar. Həmin əraziyə keçirilən baxış zamanı 1 söyüd ağacının kəsildiyi aşkarlanıb.
AZƏRTAC xəbər verir ki, bunu jurnalistlərə açıqlamasında nazirliyin mətbuat xidmətinin rəhbəri İradə İbrahimova bildirib.
O qeyd edib ki, araşdırma zamanı ağacın “Kristal Abşeron” Mənzil-Tikinti Kooperativi tərəfindən kəsildiyi müəyyənləşib. Faktla bağlı akt tərtib olunub və 1800 manat məbləğində ziyan müəyyən edilib.
Bölmənin digər xəbərləri
