Xəzər dənizində dalğanın hündürlüyü 2.3 metrə çatıb
Bakı, 23 fevral, AZƏRTAC
Milli Hidrometeorologiya Xidmətinin fevralın 23-ü saat 17:00-a olan məlumatına əsasən, ölkənin şimal rayonlarına soyuq atmosfer cəbhəsinin daxil olması nəticəsində hava şəraiti dəyişib.
Xidmətdən AZƏRTAC-a bildiriblər ki, Nabran, Quba, Xaçmaz, Qusar, Xaltanda yağış yağıb və qara keçib. Hazırda Bakıda yağış yağır.
Qərb küləyinin sürəti Ağstafa, Naftalanda 20, Gəncə, Tovuzda 18, Yevlaxda 17, Bərdədə 16 metr/saniyəyədək güclənib. Neft Daşları meteoroloji stansiyasının məlumatına əsasən, Xəzər dənizində dalğanın hündürlüyü 2.3 metrə çatıb.
Bölmənin digər xəbərləri
