Portuqaliya Prezidenti: Qreta Tunberq iqlim dəyişmələrinə qarşı mübarizənin simvoludur

12.12.2019 [13:59]
Çap et
A⁺ A^-

Lissabon, 12 dekabr, AZƏRTAC

Portuqaliya Respublikasının Prezidenti Marselu Rebelu di Soza bildirib ki, gənc isveçli fəal Qreta Tunberq iqlim dəyişmələrinə və qlobal istiləşməyə hələ də etinasız yanaşan şəxslər üçün “təhlükəli siqnal” və bu mübarizənin simvoludur.

AZƏRTAC xəbər verir ki, Prezident bu fikri Portu Universitetində çıxışında səsləndirib.

Qreta Tunberqin “Time” jurnalının versiyasına görə “İlin adamı” adlandırıldığını vurğulayan Prezident deyib: “Gənc fəal təkcə gənc nəslin iqlim probleminə bəslədiyi hissləri ifadə etmir, həm də yaşlı nəsli planetimizin müdafiəsinə diqqət yetirməyə çağırır”.

Nigar Cəfərli

AZƏRTAC-ın xüsusi müxbiri

Lissabon