QADIN HÜQUQLARINA DAİR MİLLİ KONFRANS KEÇİRİLMİŞDİR

01.11.2004 [13:14]
Çap et
A⁺ A^-

AZƏRTAC xəbər verir ki, BMT-nin Qadınlar üçün İnkişaf Fondunun (YUNİFEM) “Qadınlar Cənubi Qafqazda münaqişələrin qarşısının alınması və sülh yaradılması uğrunda” layihəsinin dəstəyi ilə “Avropa” mehmanxanasında “Konstitusiya hüquqlarından bərabər imkanlara doğru” mövzusunda “Koalisiya 1325” qadın qrupunun İkinci Milli Konfransı keçirilmişdir.

Konfransda çıxış edənlər qadınların cəmiyyətin bütün sahələrində qərar qəbuletmə səviyyəsində bərabər təmsil olunmasının vacibliyini bildirmişlər. Qeyd etmişlər ki, qadın hüquqlarının qorunması, müdafiəsi, qadınların kişilərlə bərabər imkanlar əldə etməsi üçün qanunların Konstitusiyada təsbit olunması kifayət deyil və bərabər hüquqların bərabər imkanlara keçməsi üçün hüquqi təminat yaradılmalıdır.

Konfransda “Qanunvericilik və gender bərabərliyi” mövzusu ətrafında da məruzələr dinlənilmiş, müzakirələr aparılmışdır.