ROKKO BÜTTİQLİON NAMİZƏDLİYİNİ GERİ GÖTÜRMÜŞDÜR

31.10.2004 [19:49]
Çap et
A⁺ A^-

AZƏRTAC-ın xüsusi müxbiri xəbər verir ki, Avropa komissiyasının huquqi məsələlər üzrə komissarı vəzifəsinə namizəd göstərilmiş Rokko Büttiqlion bu postdan imtina etdiyini və öz namizədliyini geri götürdüyünü bəyan etmişdir.

Romada jurnalistlər qarşısında açıqlama vermiş R.Büttiqlion bu qərarını komissiyanın formalaşmasında yaranmış böhranla əlaqələndirmişdir.

Yerli jurnalistlərin fikrincə, tanınmış italiyan hüquqşünasının bu addımının səbəbi müxtəlif məsələlərə, o cümlədən komissiyada homoseksualların təmsil olunması ilə əlaqədar Avropa komissiyasının gələcək sədri Xose Manuel Barraso ilə arasında yaranmış fikir ayrıliğıdır. İtaliyalı hüquqşünas homoseksualların komissiyada iştirakına qəti etirazını bildirmişdir.

İtaliya radiosunun yaydığı məlumatda ölkənin xarici işlər naziri Franko Frattininin bu vəzifəyə namizəd göstərildiyi bildirilir.