Azərbaycanın turizm potensialı Yaponiyada açılacaq beynəlxalq sərgidə nümayiş olunacaqdır
Bakı, 20 avqust (AZƏRTAC). Sentyabrın 20-dən 23-dək Yaponiyanın paytaxtı Tokioda “JATA” Beynəlxalq turizm sərgisi açılacaqdır. Sərgidə Azərbaycan da təmsil olunacaqdır.
Mədəniyyət və Turizm Nazirliyinin turizm şöbəsindən AZƏRTAC-a bildirmişlər ki, beynəlxalq sərgidə Azərbaycanın turizm potensialı icarəyə götürülmüş 63 kvadratmetrlik pavilyonda nümayiş etdiriləcəkdir. Azərbaycanın beşinci dəfə təmsil olunacağı sərgidə ölkəmizin görməli yerləri, mədəni-tarixi abidələri, mehmanxana və turizm obyektləri ingilis dillərində hazırlanmış müxtəlif adda broşür, buklet və CD-lər vasitəsilə təbliğ olunacaqdır.
Sərgidə nazirliyin turizm şöbəsinin əməkdaşları, ölkəmizdə fəaliyyət göstərən bir neçə turizm şirkətinin nümayəndələri iştirak edəcəklər.
Bölmənin digər xəbərləri
