Dörd ayda Qobustan qoruğunu 18 mindən çox turist ziyarət edib
Bakı, 26 aprel, AZƏRTAC
Cari ilin dörd ayında Qobustan Milli Tarix-Bədii Qoruğunu 18 min 731 turist ziyarət edib.
Bu barədə AZƏRTAC-a qoruğun elmi-ekspozisiya şöbəsinin müdiri Namil Məmmədov məlumat verib.
Onun sözlərinə görə, qoruğu ziyarət edən əcnəbi turistlərin sayı 11 min 418, yerli turistlərin sayı isə 2 min 720 nəfər olub. Eyni zamanda, 4 min 593 əcnəbi və yerli tələbə də qoruqdan xoş təəssüratla ayrılıb. Ziyarətçilər arasında Rusiya, Ərəb ölkələri, İran, Türkiyə, İtaliya, İngiltərə, Fransa və digər ölkələrdən olan turistlər çoxluq təşkil edib.
Bölmənin digər xəbərləri
