İtaliyada qatar otellər istifadəyə veriləcəkdir
Bakı, 28 iyul (AZƏRTAC). Bu yaxınlarda İtaliyada “Trenhotel” adlı qatar-mehmanxanalar istifadəyə veriləcəkdir.
Qatarlarda kupelər mehmanxana nömrəsində olduğu kimi tərtib ediləcəkdir. Hər kupedə qonaqların özlərini oteldə olduğu qədər rahat hiss etmələri üçün bütün şərait yaradılacaqdır. Qatar-mehmanxana 46 kupedən ibarət olacaqdır. Bütün kupelər maksimum iki sərnişin üçün nəzərdə tutulmuşdur.
Qatar-mehmanxanada ən ucuz bilet adambaşı 140 avro təşkil edəcəkdir.
İtaliyaya turist səfərinə çıxan Azərbaycan vətəndaşları da bu yeni xidmət növündən istifadə edə bilərlər.
Bölmənin digər xəbərləri
