Kitabxanada Dünya Turizm Gününə həsr olunmuş sərgi açılmışdır
Bakı, 27 sentyabr (AZƏRTAC). Sentyabrın 27-də Xətai Rayon Mərkəzləşdirilmiş Kitabxana Sisteminin mərkəzi kitabxanasında Dünya Turizm Gününə həsr olunmuş sərgi açılmışdır.
Kitabxanadan AZƏRTAC-a bildirmişlər ki, sərgidə mövzu çərçivəsində, həmçinin ölkəmizdə turizmin inkişafına dair kitablar, dövri mətbuat nümunələri, bu sahənin müxtəlif istiqamətləri üzrə kitabçalar nümayiş etdirilmişdir. Həmçinin oxuculara bu əlamətdar günün tarixi haqqında məlumat verilmişdir.
Sərgi böyük maraqla izlənilmişdir.
Bölmənin digər xəbərləri
